عضو في لجان المقاومة بود مدني يفضح مخططات المليشيا

كتب عضو لجان المقاومة بود مدني حي الزمالك محمد عيسى عبدالله

حتى لا تنخدعوا

اكتب اليكم يا أهل السودان ويا لجان مقاومة إياكم إياكم أن تنخدعو زي ما خدعونا اتواصلوا معانا أعضاء الحرية والتغيير ولاية الجزيرة وقالوا لينا خليكم جاهزين نحن ماعندنا خيار غير نساند الدعم السريع حتى نقضي على الكيزان ولو ما عملنا كدا ماعندنا طريقة للتخلص من الفلول وطالبونا نكون جاهزين لكن لم يحددو لينا ساعة الصفر قالوا خلوها مفتوحة وزعونا مجموعات عشرة عشرة وعلي رأس كل مجموعة قايد ضافونا العشرة في مجموعة واتساب ورؤساء المجموعات في مجموعة منفصلة لتلقي التعليمات انا بيتنا في حي الزمالك قالوا لينا أهلكم خلوهم في محلهم ماينزحوا واي بيت من بيوت أعضاء الخلايا تكتب فبي بابو ببوهية خضراء حرف الجيم عشان يكون معروف ومافي زول بقرب ليه….. التلاتة أيام قبل سقوط المدينة نحن كنا مرابطين في السوق ومنتظرين دخول الدعم السريع اليوم الرابع دخل الدعم السريع ونحن كنا جاهزين سلمونا اللبس والسلاح وأنتشرنا في الأحياء والمؤسسات وتمت السرقة للعربات والبنوك والشركات وأنا شخصيا شفشفت بوكسي ٢٣ جديد يوم الخميس رجعت البيت ومعاي زميل لقيت المفاجأة الصادمة الدعامة دخلوا بيتنا هددو ناس البيت سرقو القروش سرقو دهب أخواتي شالو عربيتنا من القراش ضربو أبوي وكسرو يدو..

أقسم بالله العظيم أنا احتقرت نفسي أنا استحق لقب التافه الباع وطنو وعرضو ومن مكاني بنفس البوكسي الشفشفتو ركبت ناس بيتنا وطلعتهم وبلبس الدعم السريع نفسو مافي زول سألني لما طلعت من آخر ارتكاز للدعم السريع في ود الحداد قلعت لبس الدعم السريع ولبست مدني لما وصلت سنار سلمت البوكس لود أختي يطلع الأسرة لعطبرة ونزلت سلمت نفسي للجيش وانا الآن ضمن المستنفرين للدفاع عن بلدي ضد النهاية الحرامية ياجماعة بكرر للمرة الألف ماتنخدعوا يا أهل السودان وياشباب السودان دي تجربتي قدامكم كفاية خداع ديل نهابة حرامية لما يدخلوا المدينة الحلة مابعرفوا إنت معاهم راكب في ضهر تاتشر الواحد منهم بدخل بيتك يهين أهلك يهتك عرضك وشرفك كفاية خوف نحن لازم نلحق الوطن نحن لازم نقيق سد منيع ونطرد الخوف الجوانا عشان ننقذ ماتبقى من الوطن والشرف.

محمد عيسى عبد الله عضو لجان المقاومة حي الزمالك