هيفاء حسن تكتب:
بسم الله الرحمن الرحيم
قبل ما نفكر في نشر اي خبر سواء كان حقيقة أو إشاعة مضللة خلونا نفكر بي عقل صاح الزعل من موضوع مدني اصاب دماغنا بالشلل للحظات ولكن عدنا بوعي اقوي
بدل ننكر مجهود الجيش ونقول الجيش خائن ونفقد الامل خلونا نعترف بأن الخيانة سلوك شخصي فردي قد يكون الخائن اخوك في البيت ما نرمي بثقل المصائب علي الجيش لان مكونات الجيش بشر وزيما فيهم الخائن فيهم الفدا البلد بي روحوا فيهم الارتوت الارض بدمائهم فيهم القابض علي زناد البندقية بكل عزة وشرف فيهم الماشاف اهله وأولاده ليهو شهور وفيهم البيقاتل جعان وفيهم البقاتل بي سفنجة مقطوعة وانحنا فالحين وحريصين علي شحن التلفون وخدمة النت عشان ننظر من علي البعد و نرمي اللوم بدون مانعرف الحقيقة والمشكلة بننشر افكار هدامة وشائعات تساعد في خفض الروح المعنوية وتقليل الهمة
وكل ما الدعم السريع يصل منطقة نشيل حاجاتانا ونغادر ونقول بي كل ثقة الجيش خائن طيب انت شنو انت برضو خائن لانه في الموقف ده الجهاد فرض عين
وبعدين الجياشي ده ما راجل وانت راجل اقيف معاه قاتل زيو لو مابتعرف القتال ساعدهم اسقيهم موية ابقي ليهو سند معنوي ساااااي مش تغادر وتتكلم عن الخيانة لو انتو في البيت ٥ اولاد ٣ يقيفوا مع الجيش و٢ يرحلوا النسوان والأطفال لي مكان اامن
لكن الوضع مختلف الشباب يجروا قبال النسوان والبنات ومرات قبال الاطفال (لو انت مامن شملتهم عبارتي فغيرك يحتاج قرائتها )
هووووي كلامي حاااار لكن دي الحقيقة الموت مامنه فرار امرقوا النسوان والأطفال واثبتوا عشان نكون متحدين وقوين وصامدين بعدين انت المواطن لمن تكون مع الجيش بتعرف الجياشي الخائن زي ده طوالي رصاصة بس وتواصلوا المعركة ولو طلع الخائن مواطن برضو رصاصة وانحنا متقدمين في الميدان لا في تحري ولا قاضي في محلك تنهي العميل وتغادر
انا شخصيا جربت النزوح والهروب من ولاية لي ولاية لقيت ده ماحل وكمان التصرف ده عامل لي عقدة ذنب حسسني باني زولة جبانة جدا ولا استحق ان تكتب علي مستنداتي سودانية لانة المفروض أثبت واقاوم وادافع عن وطني اما النصر واما الشهادة لان الموت مصير محتوم ف الاولي ان نموت بعزة وشرف مقبلين غير مدبرين نموت شهداء لأجل هذا الوطن الذي أعطانا الهوية فلا بد ان ندفع ضريبة الانتماء
اخذت عهد علي نفسي ان لا أغادر هذة الولاية ان دخلها الدعم السريع ومعه انزال إسرائيلي واتمني ان يكون الثبات ديدننا علي لا يطمع العدو في اقتحام مزيدا من المدن لا ننا نقدم لهم المغريات بهذا النزوح
رسالتي لكل الرجال شيبا وشبابا ماعدا اصحاب الحالات الخاصة ابقوا الصمود النزوح مابيحلكم لو مادافعتوا انتو عن الوطن يد بيد مع الجيش البلد ح تضيع المخطط كبير جدا السودان الان يقاتل عدد من الدول التي تسعي إلي تفكيك وحدة السودان لتنال من خيرات هذا البلد فلا تجعلوا بينكم وبين جيشكم هاوية لان هذة الهاوية واحدة من أساليب الحرب ماتخلوا العدو ينجح في حرب الرصاص وحرب الإعلام
اتكلموا عن قوة وصمود ووحدة جيشكم وقوة ثقتكم فيهو ووقفتكم معاه قسما بالله لن نهزم لان وعد الله حق
ابقوا الصمود اوفوا الوعود وماتخونوا العهود
نسوي العلينا والنصر من عندالله
هيفاء حسن
✌????✌????✌????
