أشرف خليل: *(يا جيش.. الما دارك ما لامك)!.*

ولكن ما يتعارضنا من لوم ليس بعيدا عن أحوال المحبين..

 (مرات اقول اديهو كلمة تزعلو)!..

(فيبكي إن نأوا شوقاً إليهم..

ويبكي إن دنوا خوف الفراق)!..

بنحب الجيش حب..

 (ما حباهو جن لي جن)..

و(أمن ياجن)!..

حب خرافي..

(نقطعوا الزلط) و(نمسح ليهو الغلط)..

واللوم الذي نبذله هو من ذاخر عشمنا الذي لا ينقطع فيه..

(جينا شايلين ليك فرحنا..

كان عشمنا تزيدوا حبة)..

▪️فإنهم لا يعجزونك..

(كلهم شوية مقاطع)..

اولاد “العزبة”..

بس انت كيف (تركز شوية)!..

عاوزين نواصل الحياة ونشوف الدنيا دي فيها شنو؟!…

نقفل ونحتفل..

ما حنقعد عمرنا كله في الانتظار..

الزمن المتطاول في صالح تكاثر (الأميبا)..

و(مافي شئ هين زي غسيل الماعون اللين)!..

اها كمان (لو انت زعلان يا جميل) و(شايف ان كلامنا حار وماف داعي ليهو)..

(قول لي زعلتك متين)؟!.

   *أشرف خليل*