البصمة
![](https://sudannolimit.com/wp-content/uploads/2023/11/هيفاء-حسن-768x470.jpg)
هيفاء حسن تكتب:
بسم الله الرحمن الرحيم
الحمدلله القصار طالوا وكمان برضو كترت السفر وركوب الطيارات دي خلتني اتمني الموت
ملحوظة ياجماعة الزول بعد يموت وتجيهو طلعة وسفرة ضرورية ممكن يلقي روحه زايد ٣٠ سم عادي يا اهل (البعاعيت ) قصدي المراحيم ماتتخلعوا
صراحة سمعنا بالذكاء الاصطناعي لكن شفنا الغباء الاصطناعي عندكم يا ناس الدعم السريع
انتو وقت قادرين كل ساعة تتطلعوا بعاتي وتفبركوا صور ماقادرين تقنعوا منسوبيكم بي انه قائدهم مااااات ماقادرين تعينوا نائب يقودكم اصلا هي قيادة المليشيات والحروب ماصعبة طالما أنه اصلا مافي أسس ولا قوانين ولا مبادئ للقيادة وهو اصلا مواضيعكم البتحاربوا من أجلها لا تحتاج إلي علم اكثر من ماتعلمون السرقة والنهب والترويع والخراب لا يحتاج إلي كليات حربية ولا تدريب عسكري فرجاء ارحموا أنفسكم من تلك الأكاذيب وارحموا المرحوم نفسه طالما أنه حسد نفسة علي الراحة والعز اللقاهو في الدنيا خلو يرتاح في القبر
واطلعوا لينا من وهمة أنكم بتفهموا في السياسة و دايرين مؤتمرات وحوارات واتفاقيات دولية ياخي احرجتوا رؤساء الدول
ياخي اقضوا شغلتكم سريع وابقوا مارقين قبال ناس السياسة والفراسة وكليات الدراسة يصلوكم ده جيش عمره سنوات ومعروف عنه الثبات وكان خدمكم الحظ مرة مابيخدمكم تاني تراب السودان غالية ومابتنداس
الفيكم اتعرفت دمروا اسرقوا وانهبوا واقتلوا وكان متنا كلنا ح يفضل نيلنا يحكي عن قصة كرمنا وموتنا بيمسح وجعتنا والمنا ولو فضل فينا زول واحد بيهو بتشرق شموس العزة وبيهو الارض تهتزة
ارفع راسك انت سوداني
هيفاء حسن