الى اولادنا في (قوقو)

بقلم/صبري محمد علي (العيكورة)
يا اولانا عليييكم الله ….
بلاش الفرم البتسو فيهو ده يا جماعة انتو (كتل) الله والرسول الواحد ما بتعرفوه ؟
ياخ ما معقول !
من صور الدعامة و(الفيديوهات) الفظيعة دي ياخ الواحد فينا بقى ما ياخد ليهو غمده كده إلا (فجأتن) ينط يفقد كراعو قاعده واللا جغموها !
ياخ ما معقول …
يا جيشنا انتو ما قروكم حاجة اسمها (الموت الرحيم) وكده
اكيد ما فهمتو قصدي
يعني مثلا ….
رصاصة طايرة ، حته دوشكاية حبتين صاروخ موجٌه تخفس المتمرد بي غادي وترميهو من غير فرم

لكن كمان ….
ما معقول يا جماعة حكاية الكفته اليومية دي

بعدين تعالوا هنا ….
الدنيا قبايل عيد و راجيانا مرارة و شية وكده فما تقفلوا نفسنا اكتر من كده

فاااا بالله ارجوكم خلوها جغم بلا فرم
و بلاش المناظر المرعبة دي وكلموا اخوانكم البجوا طايرين بي فوق ديل ياخ يخففوا الحكاية دي شوية
ياخ الناس ديل …
ما عندهم صاروخ (متروم) واللا فرامة ميته تكتل ساي؟
غايتو …
اكيد ما حا نفهم اكتر من الحكومة وسلاح الحكومة
لكن نقول شنو !
امرنا لله .
(إستغفرتك يا مالك روحي)