(أمسك لي التلاته ديل يا عمك)

بقلم /صبري محمد علي (العيكورة)

اعتقد بعد شغل اليوم المفضوح من الما بخجلوا ديل .
ليس من بد امام السودان سوى طرد قنوات ….
العربية
الحدث
الجزيرة
هي قنوات اعلامية ليس إلا

(فاااا) …
الحكاية لا تحتاج استدعاء ولا مهلة.
ياخ ….
هدومهم مشرورة بي مويتا يشيلوها ويورونا عرض اكتافهم
مسيرة اليوم وعلى قلتها …
واسمها جمعة الغضب ولا للجنجاويد ومش عارف امسح واكسح يا برهان
يقوموا العاهات ديل يقولوا ليك

مظاهرااات بالخرطوم تطالب بإيقاف الحرب !!!
ومعاها الشريط الاحمر بتاعهم داك .
يا برهان …
يا كباشي ….
يا مش عارف مين
انتو قاعدين وين؟
دي ما عاوزا ليها وزير إعلام و لا بطيخ
ضابط مخابرات واتنين عساكر وطبلة وجنزير
وشلوت إن إستدعى الامر ومع السلامة .

اغلاق مكاتب هذه الثلاثي الخطر اصبح مطلب شعبي فلم يعد الشعب يحتمل .
اتعلموها من الجزائر ياخ …
(٤٨) ساعة للسفير الاماراتي لمغادرة الجزائر
تقول لي قناة الحدث وبتاع !